ProgramiTurizmi
#DurrësiTuristik
#EjaNëDurrës
TURIZMI në shifra / Viti 2022
Durrësi, duke shërbyer si nyja kryesore e transportit në vend, është kthyer jo vetëm në një destinacion veror për plazh, por edhe një destinacion turistik gjithëvjetor. Ndaj, ne mund të pohojmë me bindje të plotë se Bashkia Durrës ka si gur themeli të zhvillimit ekonomik, turizmin 365 ditor.
Durrësi është destinacioni më i madh turistik në vendin tonë, ndryshe Durrësi njihet dhe si kryeqyteti i turizmit në Shqipëri. Vetëm vitin e kaluar mbi 1 milion turistë nga Italia, Kosova, Maqedonia e Veriut, Mali i Zi, Polonia, Franca, Gjermania, Anglia, Austria, Belgjika, Bullgaria, Rumania, etj kanë qëndruar mesatarisht 5-7 ditë në qytet. Së fundmi, vihet re një rritje e numrit të turistëve nga Zvicra.
Çfarë do të bëjmë gjatë mandatit të ri 2023-2027:
Investimet në INFRASTRUKTURË
Durrësi ka hapur një kapitull të ri përsa i përket zhvillimit dhe transformimit të tij. Nga aspekti infrastrukturor, janë 3 projekte madhore transformuese me fokus zhvillimin e qëndrueshëm të Durrësit: Projekti i zbulimit të AMFITEATRIT, ndërtimi i Portit Turistik/Marinës Turistike dhe ndërtimi i Portit Tregtar në Porto Romano.
Investim në infrastrukturë rrugore në zonat turistike - Ndërtimi i Shëtitores ‘Ura e Dajlanit -Kavalishencë’
Në bashkëpunim me Federatën Kombëtare të Alpinizmit dhe Ministrinë e Turizmit dhe Mjedisit, do të sigurojmë investimet në infrastrukturën e lehtë mbështetëse si edhe në vendosjen e sinjalistikës së nevojshme për ato shtigje të cilat janë identifikuara apo çertifikuara zyrtarisht nga autoritetet përkatëse.
Investimet për infrastrukturë dhe sinjalistikë për shtigjet për ecje dhe çiklizëm
Në bashkëpunim me Federatën Kombëtare të Alpinizmit dhe Ministrinë e Turizmit dhe Mjedisit, e cila është edhe autoriteti përgjegjës për identifikimin e shtigjeve për ecje, ngjitje dhe çiklizëm, gjatë mandatit të dytë qeverisës do të sigurojmë investimet në infrastrukturë mbështetëse si edhe në vendosjen e sinjalistikës së nevojshme për ato shtigje të cilat janë identifikuara apo çertifikuara zyrtarisht nga autoritetet përkatëse.
Krijimi i linjës urbane dedikuar vetëm për turistët
Krijimi i linjës urbane dedikuar vetëm për turistët. Do të mundësojë përmirësimin e aksesueshmërisë së turistëve në destinacionet turistike, sidomos në zonën veriore të qytetit, e cila është e pasur me trashëgimi kulturore dhe natyrore, por është më e distancuar nga qendra historike e qytetit.
Forcimi i sigurisë publike në zonat turistike
Forcimi i sigurisë publike në zonat turistike. Do të sigurohet instalimi i kamerave të sigurisë me anë të të cilave do të bëhet i mundur mbulimi 100% i territorit në të gjitha zonat turistike të qytetit brenda 4 viteve në vijim. Nga ky projekt do të përfitojnë jo vetëm komunitetet lokale por edhe të gjithë turistët të cilët vizitojnë qytetin e Durrësit.
Garantimi i shëndetit publik në katër zona turistike
Hapja e 4 qendrave shëndetësore në zonat turistike të qytetit të pozicionuara në plazhin e Currilave, plazhin e madh, zonën e Shkëmbit të Kavajës dhe në zonën e Gjirit të Lalzit, me qëllim garantimin e shëndetit publik për turistët vendas dhe të huaj që frekuentojnë zonat turistike.
Promovimi i shërbimeve dhe produkteve turistike
Gjithashtu, në kuadër të promovimit të potencialeve turistike të qytetit, janë realizuar një sërë fushatash apo aktivitetesh promocionale me fokus trashëgiminë kulturore, atraksionet/destinacionet turistike, përfshirë këtu dhe shtigjet natyrore në zonën e Ishmit. Këto fushata promovuese shërbejnë si një promotor i mbrojtjes dhe ruajtjes së burimeve dhe vlerave të pazëvendësueshme kulturore, turistike dhe natyrore të qytetit.
Prezantimi i aplikacionit VisitDurres.al
Aplikacioni VisitDurres.al dhe portali unik i informacionit dedikuar vetëm për turizmin do të prezantohet gjatë sezonit turistik 2023. Ky aplikacion dhe portali do të ofrojnë të gjithë gamën e informacionit lidhur me historinë e qytetit, trashëgiminë kulturore, atraksionet/destinacionet turistike, hotelet, restorantet, subjektet e agroturizmit, eventet kryesore në qytet, shërbimet dhe produktet turistike, potencialet ekonomike, si dhe të dhëna të tjera mbi turizmin.
Markimi (branding) i qytetit
Markimi (branding) i qytetit. Vjen si një nismë inovatore, e cila do të ketë ndikim pozitiv në rritjen e dukshmërisë, vizibilitetit të qytetit në arenën ndërkombëtare dhe rrjedhimisht një ndikim pozitiv në rritjen e numrit të turistëve nga e gjithë Evropa dhe bota.
Pasurimi i ofertës turistike
Pasurimi i ofertës turistike. Nëpërmjet ofrimit të produkteve të reja turistike si arkeologjia nënujore. Qyteti i Durrësit është një qytet i pasur, jo vetëm me site arkeologjike mbi tokë dhe nën tokë, por ka edhe zona me potencial arkeologjik nënujor (zona Currila-Batlla dhe zona e Kepit të Rodonit). Zbulimet e fundit arkeologjike nënujore në këto 2 zona synojnë të diversifikojnë guidat turistike të qytetit në sajë të kombinimit tokë dhe det, duke i mundësuar kështu vizitorëve diçka ndryshe nga e kaluara.