ProgramiKultura

Zbulimi i Arenës së Amfiteatrit – projekt që do të realizohet me mbështetjen financiare të Fondacionit Shqiptaro-Amerikan për Zhvillim/Albanian American Development Foundation (AADF). Zona e ndërhyrjes është afërsisht 8 ha, ndërsa projekti përfshin: Restaurimin/Rikualifikimin dhe harmonizimin e fasadave të ndërtesave të zonës së projektit të mbetura pas realizimit të prishjeve dhe hapjes së hapësirave, restaurimin e mureve të Kalasë pas prishjes së ndërtesave që mbeshteten në këto mure, harmonizimin dhe përshtatjen e shtresave rrugore me pamjen e re të zonës pas ndërhyrjeve restauruese.

Falë Programit të BE-së EU4Culture, Durrësi përfiton restaurimin e 5 monumente të trashëgimisë kulturore të kategorisë së parë dhe 1 siti arkeologjik: Torra Veneciane, Muzeu Etnografik (Shtëpia Muze “Aleksandër Moisiu”), Hamami, Kisha e Shën Antonit (Ndoit) në Kepin e Rodonit, Kalaja e Ishmit, Muzeu Arkeologjik (sit arkeologjik). Muzeu Arkeologjik, Hamami, Kalaja e Ishmit e shumë monumente të tjera, të cilat janë në fazën e rivitalizimit dhe transformimit të tyre dhe nëpërmjet arritjeve të fundit të teknologjisë do të kthehen në destinacionet kryesore të turizmit në qytet. Ndërkohë që ka përfunduar restaurimi i Torrës Veneciane, e cila do të shërbejë gjithashtu edhe si një info point për turistët vendas dhe të huaj, duke rritur akoma më shumë promovimin dhe aksesueshmërinë për turistët në objektet e trashëgimisë kulturore në qytet.

Projekti parashikon një ndërtesë shumëfunksionale dhe inovative, e cila i përgjigjet dëshirave dhe nevojave të komunitetit pa ndryshuar identitetin e objektit duke ruajtur vlerat historike të tij. Projekti synon të stimulojë rritjen sociale dhe ekonomike përmes përfshirjes në ndërtimin e funksioneve që kanë rëndësi në një shkallë urbane, të tilla si: Qendra teatrale, që synon trajnimin e valltarëve, muzikantëve dhe këngëtarëve të rinj, promovimin e përhapjes së kulturës muzikore dhe artistike në qytet; Qendra komunitare, një vend eksperimentimi në dispozicion të qytetarëve me hapësira për përdorim kolektiv dhe shërbime të ofruara për territorin; Bërthama e ekspozitës së Arteve, e hapur për qytetarët për koncerte, shfaqje dhe ekspozita. Projekti synon rritjen e kapacitetit të sallës kryesore duke e çuar numrin e vendeve të spektatorëve në 360 vende. Ndërhyrja në ndërtesë do të krijojë kushte të përshtatshme për aksesin dhe lëvizjen e personave me aftësi të kufizuar (P.A.K).

Durrës, Rrashbull, Katundi Ri, Manëz, Sukth dhe Ishëm me qëllim edukimin dhe nxitjen e dëshirës për lexim tek grup-moshat e ndryshme.

Zhvillimi i aktiviteteve kulturore të tilla si: shfaqje teatrale, netë poetike, kinema verore etj., në ambiente të hapura pranë siteve arkeologjike – me qëllim promovimin e objekteve të trashëgimisë kulturore në Durrës.